Nduku – John De'Mathew-Mp3 Download

John DeMathew – Peris Nduku Lyrics

My dear Ndukũ ĩĩ, my dear Ndukũ
My dear ndũire ngũmicaga
We Ngai wandunyire Ndukũ ĩĩ ti ũhoro
We Ngai ĩĩ wandunyire Ndukũ ĩĩ ti ũhoro

Korwo kũu wathire Ndukũ ni Mombasa
Niĩ ndingĩgatĩra njũkaga
Ĩĩ korwo nĩgũtũmagwo irũa ndatũma
Ĩĩ korwo ĩĩ nĩgũtũmagwo irũa ndatũma

Ndatũma niĩ

Twathiaga Gatanga Mũkũrwe kuona aciari
Christmas tũkenanĩre
Mũtino ũgĩthatĩria ndigĩrĩri njĩra
Mũtino ĩĩ ũgĩthatĩria ndigĩrĩri njĩra

Ngaari wũũi ti cia ma na itiĩhokekaga
Twakinya Limuru karĩma-inĩ
Ngaari itũ ĩkĩgariũka maita matatũ
Wũũi arata ĩkĩgariũka maita matatũ

Harĩa ndeiguĩrĩire ĩĩ ndĩ Aga Khan
Ngĩĩra ndagĩtarĩ anjethere
Peris Ndukũ menye kana tũrĩ o hamwe
Peris ĩĩ Ndukũ menye kana tũrĩ o hamwe

Arĩ wondi namba inya akomiĩ gĩtanda-inĩ
Agĩkĩrwo maaĩ na thakame
Ndamũrora ndigana gwĩtĩkia ĩĩ nĩ Ndukũ
Ndamũrora ndigana gwĩtĩkia ĩĩ nĩ Ndukũ

Nĩ kũhũrangwo

Ngĩmwĩta maita meerĩ agĩũkĩria mũtwe
Akĩnjĩra John ũka ũmumunye
Rĩa mũico-ĩĩ tondũ ndĩrona ta ngũgũtiga
Ti itherũ ĩĩ tondũ ndĩrona ta ngũgũtiga

Akĩnjĩra mũnyendi we ndũgakue ngoro
Ndathiĩ gũgũcarĩria ũikaro
Ciugo ciake cia mũico my dear agĩkira
Akĩaria-ĩĩ ciugo cia mũico mwendwa agĩkira

My dear Ndukũ ĩĩ, my dear Ndukũ
Ngĩgeria kũmwĩta ngĩrĩraga
We Ndukũ-ĩĩ nĩ wathiĩ wandiga na maithori
We Ndukũ ĩĩ nĩ wathiĩ wandiga na maithori

Kaĩ Iburahĩmu ũrĩa maaragia na Ngai
Agĩkuire na ndatuire njĩra
Tondũ nĩwe Ndukũ niĩ ĩngĩtũmaga kũrĩ we
Iburahĩmu nĩwe niĩ ĩngĩtũmaga kũrĩ we

Ngai Baba

Ngũtũma rambi rambi ciakwa kũrĩ Ngai
Akũige wega kũu rĩera-inĩ
Mũthenya wakwa wakinya no ngagũkora
We Ndukũ ĩĩ njeterera o naniĩ ndĩ o njĩra

Ndukũ ĩĩ
Njeterera o naniĩ ndĩ o njĩra

Sayiya, Sayiya

Tondũ wendi wa Ngai ndũkararagio
Hurũka thayũ my dear
Ona ithuĩ nokuo twerekeire